TXIK TXAKek Inklusiorako Mugikortasun Txartela (IMT) duten Mugikortasun Urriko Pertsonendako (MUPG) Eskaera Bidezko Garraio eskaintza berria proposatzen du. Hemendik goiti, eragozpenik gabe mugitzea posible da, atetik atera, itsasbazterreko 23 herritan.
Nola pasatuko da?
- TXIK TXAK nik hautatutako helbidera bila datorkit eta nik hautatutako lekura narama, herri hauetako batetara:
Zerbitzua etengabekoa da eta ordutegi zabalagoa eskaintzen du arratsez asteburuetan:
- Igandetik ostegunera 07:30etik 19:30era
- Ostiral, larunbat eta besta egunetan (maiatzaren 1a kanpo) 07:30etik 23:00etara (berrikuntza da!)
Informazio baliagarri guziak eskuorri dedikatua-n aurkituko dituzu.
Berria! Ene bidaia internet bidez erreserbatzen dut
1. Izena ematen dut
«Mugikortasun Urriko Pertsonen Garraioa » ataleko Harremanetarako orria betez, eta eskaeraren gaian « MUPG zerbitzuan izena eman » hautatuz. Ene frogagiriak juntatzen ditut.
Izena gutun bidez ere eman daiteke. Zerbitzua erabiltzeko izen-emate orria telekargatu eta bete ondotik igorri behar da frogagiriekin batera gutun bidez: 10 chemin de la Marouette BP30411 64101 Bayonne Cedex.
2. Erreserbatzen dut
Abiatzea baino oren bat lehenago erreserbatu edo nire bidaia hilabete bat lehenagotik antola dezaket (eskuragarritasunaren arabera). Erreserbatzean, ene telefono zenbakia nire profilean zehazteaz oroitzen naiz, konfirmazio SMSa bidaia baino 2 oren lehenago eskuratzeko gisan.
Bidaien bateratzeko, ibilbidea eta hartze tenorea erreserbatzeen arabera egokituak dira. Zure bidaia erreserbatzean, segurtasun-tartea aurreikustea gomendatzen dizugu.
Ene bidaia telefonoz erreserbatu nahi dut
2. Izena ematen dut
Zerbitzuan izena emateko zaitasunak baldin baditut, bezeroen harremanetarako zentroa deitzen dut 05 47 75 76 64 zenbakira eta ene frogagiriak (IMT) helarazten ditut gutun bidez: 10 chemin de la Marouette BP30411 64104 Bayonne Cedex.
Kasu: Izen-emate guzietako, ditudan Inklusiorako Mugikortasun Txartel (IMT) guzien fotokopia bat (aitzinaldea eta gibelaldea) helarazteaz oroitzen naiz. Frogagiri gisa IMTa ez badut helarazten ezingo dut zerbitzuan izena eman.
2. Erreserbatzen dut
Bezeroen harremanetarako zentroa deituz 05 47 75 76 64 zenbakira.
Astelehenetik larunbatera: 07:00 – 20:00
Igandeetan eta besta egunetan (maiatzaren lehenean salbu): 09:00 – 12:30 eta 14:00 – 17:30
Bidaia-egunean, nola bidaiatu?
Leku gehiago eskaintzeko eta azken memento arte erreserbatzeko aukera emateko, ibilbidea bidaian zehar alda daiteke erreserbatu duten beste pertsona batzuen hartzeko. Erreserbatzean zehaztutako abiatze-tenorea alda daiteke (+/- 10 min).
Konfirmazioa eskuratzen dut
Bidaiaren bezperan, ene erreserbatzea e-mailez konfirmatua da.
Traba bat agertzen zait?
Ene bidaia ezezta dezaket abiatze-tenorea baino 2 oren lehenago eta alda dezaket abiatze-tenorea baino oren 1 lehenago.
Ene ondoko bidaiak kudea ditzaket ene bezero-gunean, internet bidez.
Kasu! Erreserbatzerakoan abisatu gabe ez banaiz agertzen, zigortua izan naiteke.
Abiapuntura noa
10 min lehenago heltzen naiz
Kasu: beranta baldin baduzu gidaria ezingo da zure beha egon.
Ibilgailua heldu da
Ene garraio-titulua balioztatzen dut, instalatzen naiz eta bidaiaz baliatzen naiz helmugaraino.
Ene erreserbatzeari loturiko edozein galde egiteko Maiz Egiten diren Galderak (FAQ) kontsulta ditzaket edo bezeroen harremanetarako zentroa deitzen ahal dut.
Eta lurraldeko beste herrietan zer?
Lurraldeko beste herrietan mugikortasun urriko pertsonek TXIK TXAK eskaera bidezko garraioa erabil dezakete. Ibilgailu guztiak gurpildun aulkiak sartzeko egokituak dira.
Laguntza behar edo helgarritasunari loturiko arazo bat seinalatu nahi?
TXIK TXAK sarean edo MUPG zerbitzuetan helgarritasunari loturiko arazoak baditut, zure entzuteko prest gaude! Pertsonalizaturiko jarraipenerako inprimakia internet bidez betetzen dut.
