TXIK TXAK sarean, Mugikortasun Urriko Pertsonek (MUP), beste edozein erabiltzaileen prezio berak dituzte, erabiltzen dituzten zerbitzu guzietan. Aldiz, Mugikortasun Urriko Pertsonaren laguntzaileak urririk bidaiatzen du, Mugikortasun-Inklusio Txartela (MIT-CMIT) baduelarik, edozein izan honen aipamena.
TXIK TXAKek Mugikortasun Urriko Pertsonen Garraio (MUPG) zerbitzua eskaintzen du.
Zerbitzu honen xedea da, mugikortasun urriko pertsonei aukera ematea beren bizilekutik eta hautatu duten geltoki batera joateko, horretarako bereziki hornitua den ibilgailuan igotzeko lagundua izanez, nahi duten helmugara eramanak izan arte.
Kontutan hartzekoa: zerbitzu hau aitzinetik erreserbatu behar da
Aurkibidea
Ipar sektoreko AccéOplus zerbitzua
Zerbitzuaren aurkezpena
Acceoplus TXIK TXAK sareko zerbitzu bat da, mugikortasun urriko pertsonei, urte osoan bidaiatzea eskaintzen diena hiriguneko 11 herrietan zehar: Angelu, Arrangoitze, Basusarri, Baiona, Biarritz, Bidarte, Bokale, Mugerre, Hiriburu, Tarnose eta Milafranga.
Erabiliak diren ibilgailuak arabera egokituak dira.
Garraioa geldigunez geldiguneka edo atez ateka antolatuak dira, kasuen arabera, urrunago eraman gabe.
Nori zuzendua zaio zerbitzu hau?
Accéoplus zerbitzua erabiltzeko, izen emate txosten bat osatu beharko duzu ondoko dokumentuak emanez:
1 Ohoraren gaineko berme agiria
2 Informazio fitxa
3 mediku galdetegia
Txosten hau agentziara eraman beharko duzu.
« Mugikortasun inklusio » txartela baldin baduzu (lehengo elbarritasun txartela, izar berdea edo baliokidea), txosten bat pausa dezakezu agentzian. Garraio zerbitzuak baliozkotu ondoren, AcceOplus zerbitzua erabiltzeko aukera izanen duzu
« Mugikortasun inklusio » txartelik ez baduzu, baina Txik Txak sarea autonomoki erabiltzea ezinezkoa bazaizu, zerbitzurako sarbide batzordeak AcceOplus zerbitzua erabiltzeko baimena eman diezazuke (onespen baikorra lortuz gero)
Noiz funtzionatzen du zerbitzuak?
Astelehenetik larunbatera, 07:30etik 19:30era.
Igande eta besta-egunetan (maiatzaren 1az kanpo) 09:00etatik 19:00etara.
Nola erreserbatu?
AcceOplus zerbitzua erreserbatzeko, aterabide desberdinak dituzu:
- 05 47 75 76 64 zenbakira DEI EZAZU, astelehenetik larunbatera, 07:30etik 20:00etara,
- E-MEZUZ, Webguneko harremanetako INPRIMAKItik : Eskaera ingorri – TXIK TXAK
- BULEGOETAra joanez, Baionan eta Biarritzen
Gutieneko epeak beharrezkoak dira, logistikari loturiko arrazoien gatik:
- Zure bidaia-bezperako 16:00ak aitzin.
- Ostiraletan zure larunbateko edo igandeko bidaientzat.
- Gidaria zenbait minutu lehenago edo berantago etor daiteke. Erreserbatzean adostoriko hitzordu-gunera joateko eskatzen dizugu, 10 minutu lehenago. Gidaria berantean bada, SMS abisu bat errezibitiko duzu.
- Bidaiaria gure gain hartua da ibilgailura igotzeko momentutik, erreserbatzean finkaturiko geldilekuraino. Laguntza bururatzen da ibilgailutik jaisterakoan.
Prezioak
TXI TXAK garraio-tituluak erabil ditzakezu, Mugikortasun Urriko Pertsonen Garraio zerbitzuaz baliatzeko.
Aurkezpen-eskuorria telekargatu
Hegobusen Ekialde sektoreko MUPG zerbitzua Hego sektorean
Zerbitzuaren aurkezpena
TXIK TXAKek Mugikortasun Urriko Pertsonen Garraio zerbitzu bat (MUPG) proposatzen du Hego Lapurdi eremuan. Mugikortasun urriko pertsonak, beren etxetik eta nahi duten helmugara eramateko egina da (Euskal Elkargoko Hego Lapurdi eremuko mugetan, hots: Ahetze – Ainhoa – Arbona – Azkaine – Biriatu – Ziburu – Getaria – Hendaia – Donibane Lohizune – Senpere – Sara – Urruña).
Nori zuzendua da zerbitzua?
Mugikortasun Urriko Pertsonen Garraio (MUPG) zerbitzua %80 baino gehiagoko elbarritasuna egiazta dezaketen pertsonei zuzendua zaie. Bidaiari elbarrituen laguntzaileek dohainik bidaituko dute.
Noiz funtzionatzen du zerbitzuak?
Zerbitzua ibiltzen da, astelehenetik larunbatera 08:30etatik 12:30etara eta 13:30etatik 18:30etara.
Zerbitzuaz nola baliatu?
Mugikortasun urriko pertsonen garraio zerbitzua erabiltzeko eta ene bidaia ahal bezain arina izan dadin, pauso horiek egin behar ditut:
1. DEITU: erreserbazio-zerbitzura : 05 47 75 76 64, astelehenetik ostiralera 07:30etik 12:30era eta 13:30etik 18:00etara
2. IZEN-EMATEA: ene datu pertsonalak (izen-deiturak, etxeko helbidea…) ematen ditut ene txostena osatzeko eta zerbitzuaz baliatzeko
3. ERRESERBATU: ene abiapuntua eta helmuga emanen dizkiot telefonoz eskaera bidezko zerbitzuari
4. BIDAIATU: bidaiaren egunean, 5 minutu lehenago aurkeztuko naiz, erreserbatzean finkaturiko hitzordu lekura. Ibilgailura igotzerakoan, Hegobus garraio-titulua erakutsiko diot gidariari.
Antolaketa eta logistika arrazoien gatik, zerbitzua telefonoz erreserbatu beharko da bidaia-bezperan 18:00ak aitzin. Ondoko asteleheneko bidaientzat, ortziralean 18:00ak aitzin erreserbatu behar da.
Prezioak
TXIK TXAK garraio-tituluak erabil ditzakezu Mugikortasun Urriko pertsonen Garraio Zerbitzuaren (MUPG) erabiltzeko.
MUPG zerbitzua Ekialde-sektorean
Ipar Euskal Herriko barnealdean, Mugikortasun Urriko Pertsonen Garraio zerbitzuak, eskaera bidezko zerbitzuarekin bat egiten du, berdin funtzionatzen dute. Zerbitzu honi buruzko informazio gehiago ukaiteko, Amikuzeko, Iholdi-Oztibarreko eta Xiberoako eskaera bidezko garraio zerbitzuko orrialdera joan zaitez
