Zure bidaietara egokitzen den garraio-titulua
Erabiltzen duzuna baizik ez duzu ordaintzen
1,05 € bidaia bakoitzeko, TXIK TXAK sareko bidaia edozein izan dadin.
Ez duzu sekula karioegi ordaintzen
Zure prezioak muga bat du: anitz bidaiatuz gero, sekula ez duzu hilabeteko abonamendua baino gehiago ordaintzen.
Ez duzu deus kalkulatzekorik, deus zaintzekorik.
Hilabetearen bukaerako fakturazioak automatikoki aplikatzen du egiten dituzun bidaien araberako preziorik abantailatsuena.
Engaiamendurik gabe, kosturik gabe
Bidaiatzen ez duzun hilabeteetan, ez du deus pagatzen!
Txartela urririk
Etxera bidalia 10 egun barne.
Prezio solidarioa
Zure familia-kozientearen arabera, prezio apaltze gehigarri bat aplika daiteke.
Nola dabil? Askatasun Txartelak pagamendu gibelatuaz funtzionatzen du: hilabeteko zure bidaiak gehitzen dira, preziorik abantailatsuenaren mugan, eta, ondotik, kolpe batez dirua hartzen da. Abonamendua hartzeko, beraz, helbideratze-mandatu bat sinatu eta frogagiri batzuk aurkeztu behar dira (ikus beherago).
Nola abonatu ?
Hiru aukera, zure eskura.
Linean, web-orri honetatik
Presta itzazu zure dokumentuak eta aurkez itzazu gure formulario seguruaren bidez. Hau da aukerarik lasterrena, agentziara joan behar izan gabe.
Telefonoz
Bezeroen Harremanetarako Zentroko aholkulari batek Askatasun Txartela aurkezten dizu, eta eskaera-prozesuan laguntzen zaitu.
Agentzian
Joan zaitez gure agentzietako batera. Han, aholkulari batek lagunduko zaitu.
Prestatu beharreko dokumentuak
Zure Askatasun Txartela sortzeko, honako dokumentuak behar dituzu:
Baliozko bankuko nortasun agiri bat
Bankuko nortasunaren agiria.
Berriki egindako nortasun argazki bat
Nortasun-agiria
SEPA helbideratze-mandatua
Deskargatu, inprimatu, osatu eta sinatu behar duzu. Ondotik, atera iezaiozu argazkia edo eskanea ezazu, beste dokumentuekin batera aurkezteko.
Familia-kozientearen frogagiria
Prezio solidarioarentzat bakarrik – Hilabeteko edo aitzineko hilabeteko familien laguntza kutxaren edo laborantzako gizarte mutualitatearen frogagiria.
Mandatua, urratsez urrats: deskarga ezazu dokumentua, inprima, bete, sina, eta, ondotik, argazkia har iezaiozu edo eskanea ezazu, beste dokumentuekin batera aurkezteko. Sinatutako mandaturik gabe, ezin izanen da zure dosierra tratatu.