A bici, que rotlam entau planeta ! Vam, qu’es decidit, qu’estremam l’auto entà anar tribalhar o passejà’s e que hèm dab los autes mòdes de transpòrt deu hialat TXIK TXAK entà mei d’eficacitat. Seguitz lo guida !
Que logam ua bicicleta dab TXIK TXAK
Enveja de logar ua bicileta ? De durada o sonque entà un viatge dab TXIK TXAK que hèm dab lo mòde de locacion qui’ns hèi besonh. E dab l’assisténcia electrica que’ns mudam viste e de briu.
Locacion de bicicletas dab assisténcia electrica de durada
La bicicleta electrica qu’es practica, ecologica e bona entà la santat, mes pas aisit de ns’aviar e d’investir quan n’avem pas jamés podut ensajar. Qu’es pr’amor d’aquò que TXIK TXAK e’ns perpausa de logar ua bicicleta electrica, un bicicleta cargo dab assisténcia electrica o ua bicicleta plegadís 3 mes de temps. Atau que poish guaitar la bicicleta a casa e l’ensajar tot jorn. Haut, sus la sèra !
Locacion de bicicleta en autoservici dab pony
Besonh d’un bici entà un viatge de pauc durada ? Dab pony que lògui viste hèit un deus 800 bicicletas electrics de duas plaças vagants en autoservici a Anglet, Baiona, Biàrritz, Bidart, Lo Bocau, Sibore, Guetari, Endaia, Sent Joan de Lus, Sent Pèr d’Irúbe, Tarnòs e Urrunha.
On parcà’s en seguretat ?
Entà’ns facilitar las mudadas a bicicleta, TXIK TXAK que perpausa solucions d’aparcament securizadas entà ns’aviar a las clucas (mes pas sus la rota, plan solide !).
Bicistacion a la gara d’Endaia
La bicistacion d’Endaia qu’ei peu moment barrada per òbras. Reobertura en quauquas setmanas dab un navèth sistèma d’accès.
La bicistacion d’Endaia qu’es un parcatge de bicicletas aprigat e securizat, obèrt 24h/24 7j/7. Que’ns permet de mudar en mesclant mejans de transpòrt desparièrs. Atau autanlèu arribat a la gara que podem gahar la bicicleta e nse n’anar tribalhar o har ua virada en vila.
Acès-bicicletas securizats
A Baiona, Anglet e Biàrritz que podem profieitar d’acès- bicicletas securizats, dab ua pompa de gonflatge, e presas de corrent entà tornar cargar las bicicletas dab assisténcia electrica.
Mei informacions e inscripcions dirèctament a las comunas :
Que’m hèsqui lo camin !
TXIK TXAK que ns’acompanha entau viatges a bici ! Que hicam un punt de partença e d’arribada au calculator de camin, qu’avem de tira tota informacion qui hè besonh entau bon debanar deu viatge (temps, desnivèu, vias adobadas…)
Lo truc de TXIK TXAK : Que telecargam l'aplicacion
En telecargant l’aplicacion TXIK TXAK qu’avem automaticament lo miélher camin qui’s puishqui, que sii entau temps, entà la seguretat e entau desnivèu.
E entà’ns guaitar lo camin a man, l’aplicacion que hèi tanben GPS.
Atau que podem partir e rotlar tranquillòt !
Que’n profieitam entà descobrir lo País Basco a bici
Podóssim véder la riquessa e la varietat deus paisatges deu País Basco a bicicleta ? Bordejar la mar, traucar tucs peus camins arborats, o anar de vila en vila per la còsta… que’ns daisham gahar per la diversitat e la beutat deus paisatges.
. Entà passejadas en vila, en familha o esportivas, los grans camins ciclotoristics que’s tròban ací : Au País Basco