Dab TXIK TXAK, qu’èi d’ara enlà d’ua auhèrta de transpòrt fòrt competitiva entà anar tribalhar. Quin aquò ? Dab los abonaments TXIK TXAK + TER, que mescli lo trin dab los bus e los cars de TXIK TXAK shens nat limit, au melhor prètz acomparat a l’emplec de l’auto. Seguitz lo guida !
L'abonament TXIK TXAK + TER (linha 54) : 2 peu prètz de 1 !
Dab los abonaments mesclats, la linha 54 deu TER Navèra Aquitània que’s junh au hialat TXIK TXAK, despuish o de cap a Cambó, Ustàritz, Vilafranca e Baiona, dab prètz mei bons que jamés.
Quin fonciona aquò ?
Las garas atenhedissas dab l'abonament TXIK TXAK + TER (linha 54)
Los qui an un abonament TXIK TXAK + TER que pòden viatjar shens nat limit de tota gara e estanquet ferroviaris de la linha TER 54 estant.
Los prètz
L’extension de l’abonament TXIK TXAK au TER Linha 54 qu’es perpausada per sonque 10 euros mei per mes entaus abonats de mei de 28 ans e 5 euros mei per mes entaus abonats de mensh de 28 ans sus la basa de la tarificacion TXIK TXAK.
E çò de melhor ?
Tot abonament qu’a dret a la participacion de l’emplegaire qui ne pren en carga 50 a 75% deu prètz, atau com a la tarificacion solidària qui balha tanben la possibilitat d’aver de 50 a 75% de redusida segon los sons revienuts.
Tarifs
Sans participation employeur
Tarifs
Avec participation employeur
Pass mensuel -28 ans + TER
Pass mensuel 28-65 ans + TER
Pass mensuel + de 65 ans + TER
Pass mensuel solidaire + TER
Pass mensuel solidaire+ + TER
Pass annuel -28 ans + TER
Pass annuel 28-65 ans + TER
Pass annuel + de 65 ans + TER
Pass annuel solidaire -28 ans + TER
Pass annuel solidaire + TER
Pass annuel solidaire+ + TER
Las autas linhas de trin qui desservishen lo País Basco e lo sud de las Lanas
Los trins TER Navèra Aquitània que son lo mejan de transpòrt ideau entà las mudas de tot jorn. Que son ua solucion d’accès rapide e practic a las vilas deu parçan e que permeten de s’estauviar temps en huegent los embòç.
En mei de la linha TER 54, tres autas linhas de trin que son en connexion dab lo hialat TXIK TXAK :
- Linha TGV Endaia/París, dab estanc a Sent Joan de Lus, Biàrritz e Baiona
- Linha TER 51 Endaia/Bordèu, dab estanc a Sent Joan de Lus, Guetari e Biàrritz
- Linha TER 53 Baiona/Pau/Tarba, dab un estanc a Urt
Avisatz-ve !
Aqueras linhas ne hèn pas partida deu hialat e de la tarificacion TXIK TXAK peu moment. Lavetz, entà las préner, que cau que’vs crómpitz un bilhet o un abonament TER a la SNCF.
